13 лютага (пятніца) а 16-й гадзіне ў філіяле Веткаўскага музея адбудзецца адкрыццё новай выставы "Доброчадие".

Выстава прысвечана іконе Веткі. І толькі адной іканаграфіі - "Раству Багародзіцы".

Іконы з выявамі сцэн нараджэння святых, у тым ліку нараджэння Багародзіцы, за стагоддзі спарадзілі адзіны вобраз, важнейшую тэму. Гэта «Доброчадие». У перакладзе на наш сучасны каштоўнасны шэраг - "добрае нараджэнне дзяцей".

Іконы веткаўскай школы - гэта мадэлі прасторы. У «Растве Багародзіцы» такой мадэллю з'яўляецца дом. Дом, дзе нараджаюцца, абмываюцца, выхоўваюцца дзеці.
Архітэктура падаецца ў сістэме трох перспектыў: прамой, сферычнай і зваротнай. Што робіць кампазіцыю іконы складанай, падобнай на кадры кіно.

На гэтай выставе мы ўпершыню прадставім разам пятнаццаць твораў з сюжэтам Раства Багародзіцы. Усе іконы – з калекцыі Веткаўскага музея, сабраныя з 1983 па 2023 гады. І сярод іх няма аднолькавых.

Запрашаем вас на адкрыццё выставы!

 Калі: 13.02.2026 у 16:00.

 Дзе: філіял Веткаўскага музея - г. Гомель, плошча Леніна, 4а (у парку, за саборам Пятра і Паўла).

Уваход вольны.

Тэлефон філіяла: +375 232 50-96-98