Навіны
Выстава "Пакроўскія вароты. Чатыры вобраза Веткі" ў Гродзенскім музеі гісторыі рэлігіі! 29.03
- Аўтар:
- Катэгорыя: Навіны
Сябры, Веткаўскі музей прадставіць сваю выставу ў Гродна!
У гэтую сераду 29 сакавіка адбудзецца адкрыццё нашай выставы «Пакроўскія вароты. Чатыры вобразы Веткі» ў Гродзенскім музеі гісторыі рэлігіі.
Наша выстава - гэта новы погляд на пытанні пра аснову людскога быцця - мыслення - творчасці. Дыялог з тымі, хто перад намі ставіў тыя ж пытанні: аб наватарстве Майстра.
Анонс падзей на КРАСАВІК
- Аўтар:
- Катэгорыя: Навіны
Сябры, паспрабуем даваць анонс мерапрыемстваў у Веткаўскім музеі і яго гомельскім філіяле адразу на цэлы месяц.
Так вам будзе зручней спланаваць наведванне нашага музея і не прапусціць тое, што цікава.
*Асобна кожную падзею мы будзем больш падрабязна анансаваць бліжэй да даты яе правядзення, як гэта робім заўсёды.
У гэтым анонсе магчымы змены, пра якія, канешне, будзем паведамляць.
Інтэрактыў для дзяцей у філіяле Веткаўскага музея
- Аўтар:
- Катэгорыя: Навіны
Для дзіцячых груп у нас заўсёды ёсць цікавыя экскурсіі, займальныя майстар-класы, разнастайныя гульні, у тым ліку з песнямі, карагодамі, танцамі.
Любім прымаць у нашым музеі цікаўныя, ахвочыя адначасова да новых ведаў і гульняў дзіцячыя групы. А дзеці, як падаецца нам і іх настаўнікам ды выхавацелям, любяць прыходзіць да нас.
Прымаем групы толькі па папярэднім запісе.
Падрабязней: Інтэрактыў для дзяцей у філіяле Веткаўскага музея
Куратарская лекцыя "Честнейшую херувим...Іканаграфія Багародзіцы ў Веткаўскай іконе", 24.03
- Аўтар:
- Катэгорыя: Навіны
Запрашаем на куратарскую лекцыю ў межах новай выставы "Усім вам смуткуючым радасць".
Тэма лекцыі: "Честнейшую херувим…” Іканаграфія Багародзіцы ў Веткаўскай іконе.
24.03 (пятніца) у 18:00, філіял Веткаўскага музея.
Гуканне вясны ў Гомельскім філіяле Веткаўскага музея, 01.04
- Аўтар:
- Катэгорыя: Навіны
Даражэнькія!
Запрашаем усіх вас на “Гуканне вясны” з Веткаўскім музеем!
1 красавіка (субота) у 12:00.
«Гуканне вясны» — архаічны абрад, звязаны з абуджэннем прыроды і заклікам вясны. Своеасаблівы пераход ад зімы да лета. Ад гэтага раней асабліва залежаў дабрабыт чалавека.
Давайце разам справім адзін з самых адметных абрадаў Гомельскага Палесся і абудзім зямлю ад зімовага сну. Гэта абрадавае дзеянне павінна адзначацца весела, шумна: са спевамі, гульнямі, карагодамі, танцамі!
Падрабязней: Гуканне вясны ў Гомельскім філіяле Веткаўскага музея, 01.04
Супольныя спеўкі 26.03
- Аўтар:
- Катэгорыя: Навіны
Даражэнькія!
На гэтым тыдні заняткі нашай "Школкі традыцыйных спеваў" адбудуцца ў нядзелю 26.03 а 14-й гадзіне!
Рыхтуемся да ГУКАННЯ ВЯСНЫ!
Прыходзьце самі і бярыце з сабой кампанію.
На такіх занятках няма гледачоў - усе ўдзельнікі. Мы ўсе спяваем разам. Не важна, ці ўмееце вы спяваць, ці ведаеце песні.
Працэс майстар-класа па вырабу андарака, 19.03
- Аўтар:
- Катэгорыя: Навіны
19 сакавіка ў філіяле Веткаўскага музея адбыўся майстар-клас па вырабу андарака.
Напачатку Наталля Кадзетава (загадчыца філіяла Веткаўскага музея) апавяла пра віды традыцыйнага паяснога адзення, як яно зменьвалася ў залежнасці ад узросту дзяўчыны. І, канешне, пагаварылі пра сам андарак: хто і калі яго апранаў, якая даўжыня павінна быць, які колер і ўзор на тканіне. Разгледзелі розныя варыяцыі андаракоў: неглюбскі, казацка-балсунскі, маркавіцкі, калінкавіцкі.
Майстар-клас па прыгатаванні заціркі на кінапраглядзе фільма "Несцерка", 18.03
- Аўтар:
- Катэгорыя: Навіны
18 сакавіка ў філіяле Веткаўскага музея мы вырашылі дапоўніць сумесны прагляд фільма "Несцерка" смачным майстар-класам. Таму, паралельна абгаворваючы пабачанае кіно, прыгатавалі, а пасля і пасмакавалі зацірку - страву, якую лічаць беларускай нацыянальнай.
Але ж, вельмі верагодна, што не ў нас яна была прыдуманая. Страва з такой жа назвай ёсць у польскай кухні, у венграў падобная страва вельмі папулярная пад назвай "тархоня", такія стравы ёсць у туркаў і ў іншых цюркскіх народаў, а яшчэ ў харватаў і італьянцаў... Карацей, з паходжаннем ёсць пытанні.
Але мы раскажам пра рэцэпт і пару сакрэтаў прыгатавання, якімі падзялілася на майстар-класе загадчыца філіяла Веткаўскага музея Наталля Кадзетава.
Падрабязней: Майстар-клас па прыгатаванні заціркі на кінапраглядзе фільма "Несцерка", 18.03
Майстар-класс па лепцы з гліны, 25.03
- Аўтар:
- Катэгорыя: Навіны
Upd: запіс закрыты. Калі з'явяцца вольныя месцы - паведамім).
У суботу 25 сакавіка адбудзецца майстар-клас па лепцы з гліны!
Тэма гэтых заняткаў будзе сугучная нашай новай выставе - батаніка! Будзем выкарыстоўваць адбіткі раслінак.
Узрост: ад 12 год.
Абавязковы папярэдні запіс па тэлефоне +375(232)509698 (альбо ў асабістыя паведамленні) і перадаплата ў філіяле музея да пятніцы (уключна).
Майстар-клас па вырабу андарака, 19.03 у 14:00
- Аўтар:
- Катэгорыя: Навіны
Даражэнькія, у гэтую нядзелю 19 сакавіка ў 14:00 у філіяле Веткаўскага музея мы правядзём майстар-клас па вырабу андарака!
Андарак - гэта від беларускага жаночага паяснога адзення - доўгая шырокая спадніца.
Правядзе майстар-клас загадчыца філіяла музея Наталля Кадзетава. Наталля раскажа і пакажа ўсе сакрэты стварэння прыгожага андарака.
Што неабходна ўзяць з сабой на майстар-клас:
Акцыя "На свята Саракі пачастуем наведвальнікаў печанымі птушкамі" у філіяле Веткаўскага музея, 22.03
- Аўтар:
- Катэгорыя: Навіны
Даражэнькія, 22 сакавіка па народным календары мы адзначаем свята Саракі.
Як кажуць у народзе, "на Саракі дзень з ноччу мераюцца" - менавіта ў дзень вясновага раўнадзенства, лічыцца, пачынае абуджацца зямля ад зімовага сну.
І па традыцыі, на Саракі гаспадыні пяклі пячэнне ці булачкі ў выглядзе птушак.
З гэтай нагоды, 22 сакавіка ў філіяле Веткаўскага музея ўсіх, хто замовіць экскурсію (з экскурсаводам), мы будзем частаваць печанымі птушачкамі!
Супольныя спеўкі 18.03 у 14:00
- Аўтар:
- Катэгорыя: Навіны
Даражэнькія!
У суботу 18.03 а 14-й гадзіне запрашаем вас на заняткі нашай "Школкі традыцыйных спеваў".
Пачнём рыхтавацца да ГУКАННЯ ВЯСНЫ!
Прыходзьце самі і бярыце з сабой кампанію.
На такіх занятках няма гледачоў - усе ўдзельнікі. Мы ўсе спяваем разам. Не важна, ці ўмееце вы спяваць, ці ведаеце песні.
Супольныя спеўкі - выдатная магчымасць паспяваць усім разам, і тым, хто наведвае заняткі даўно, і тым, хто прыйдзе да нас упершыню.
Куратарская лекцыя "Стараабрадніцкая сям'я Кавалёвых з Гомеля", 17.03
- Аўтар:
- Катэгорыя: Навіны
Запрашаем на куратарскую лекцыю ў рамках выставы "Спасава Слабада".
Тэма лекцыі: “Стараабрадніцкая сям’я Кавалёвых з Гомеля”.
17.03 (пятніца) у 18:00, філіял Веткаўскага музея.
У 1898 годзе Фядот Іванавіч Кавалёў набыў у раёне Спасавай слабады - на рагу Фельдмаршальскай і Ветранай вуліц - дом, які перабудаваў для сваёй сям'і. Гэты дом па вул. Пралетарскай, 33 стаіць і сёння. За год да гэтага адбылося вяселле Фядота Кавалёва і Вольгі Пляханавай - выхадцаў са стараабрадніцкіх сем'яў, якія адрозніваліся глыбокай рэлігійнасцю. З тых часоў і пачала сваю гісторыю сям'я Кавалёвых, якая доўжыцца дагэтуль.
Падрабязней: Куратарская лекцыя "Стараабрадніцкая сям'я Кавалёвых з Гомеля", 17.03
Сумесны прагляд кіно, 18.03
- Аўтар:
- Катэгорыя: Навіны
Сябры!
У суботу 18 сакавіка ў 16:00 запрашаем усіх кінаманаў ды проста ахвочых да нас у кінаклуб “ЭТНАфільМЫ”!
Гэтым разам прапануем добрае сямейнае кіно, якое спадабаецца і дарослым, і дзецям - "Несцерка". Фільм пра вясёлыя прыгоды беларускага народнага героя Несцеркі, які мае невынішчальны аптымізм, розум і кемлівасць, падарожнічае па родным краі, ніколі не смуткуе і заўсёды гатовы прыйсці на дапамогу.
Творчая ініцыятыва-сустрэча “ART-Ветка”, 14.03
- Аўтар:
- Катэгорыя: Навіны
Сувенір - дробязь, ці сур’ёзная маркетынгавая праца музея? А якім зараз павінен быць цікавы сувенір, і што сёння можа прапанаваць Веткаўскі музей?
На гэтай сустрэчы мы зробім аналіз сувенірнай крамы нашага музея і прывядзем прыклады найбольш ўдалых, на наш погляд, музейных крамаў Беларусі і замежжа. Прэзентуем сувенірную лінейку Веткаўскага музея, а таксама запросім гасцей: мастакоў, рамеснікаў, выкладчыкаў, студэнтаў...
Куратарская лекцыя "Если бы мы могли понимать облака...", 10.03.23
- Аўтар:
- Катэгорыя: Навіны
Запрашаем на куратарскую лекцыю ў рамках выставы “Усім вам смуткуючым радасць”.
Тэма лекцыі: “Если бы мы могли понимать облака…”
10.03 (пятніца) у 18:00, філіял Веткаўскага музея.
Падрабязней: Куратарская лекцыя "Если бы мы могли понимать облака...", 10.03.23
Адкрыццё выставы "Кераміка і ЭТНАбатаніка", 08.03
- Аўтар:
- Катэгорыя: Навіны
8 сакавіка ў філіяле Веткаўскага музея (што ў Гомелі) адкрылася выстава "Кераміка і ЭТНАбатаніка".
Этнабатаніка - гэта народныя веды пра расліны ў культуры пэўнага народа. На нашай новай выставе мы вырашылі паспрабаваць раскрыць магію расліннага свету беларусаў.
Экспазіцыю складаюць аўтарская кераміка з адбіткамі тутэйшых раслінак ад майстрыхі Вольгі Жарнасек, неверагодныя неглюбскія ручнікі і посцілкі з расліннымі ўзорамі, а таксама фрагменты пасудзін ажно эпохі неаліту, на якіх таксама прысутнічаюць "елачкавыя" і іншыя ўзоры.
Падрабязней: Адкрыццё выставы "Кераміка і ЭТНАбатаніка", 08.03
Адкрыццё новай выставы "Кераміка і ЭТНАбатаніка", 08.03 ў 12:00
- Аўтар:
- Катэгорыя: Навіны
8 сакавіка (серада) у філіяле Веткаўскага музея адбудзецца адкрыццё новай выставы "Кераміка і ЭТНАбатаніка".
Пачатак вясны, абуджэнне прыроды мы вырашылі адзначыць выставай, галоўным героям якой будуць расліны.
Аснова новай выставы мае тры складнікі:
• аўтарская кераміка майстрыхі Вольгі Жарнасек і яе светаўспрыняцце раслін;
• неглюбскія ручнікі і асэнсаванне раслінных узораў ткачыхамі;
• народная медыцына і магія праз раслінны свет.
Падрабязней: Адкрыццё новай выставы "Кераміка і ЭТНАбатаніка", 08.03 ў 12:00
Куратарская лекцыя «“To be, or not to be…” Помнікі архітэктуры на тэрыторыі Спасавай слабады», 03.03.23
- Аўтар:
- Катэгорыя: Навіны
Запрашаем на куратарскую лекцыю ў рамках выставы "Спасава Слабада".
Тэма лекцыі: «“To be, or not to be…” Помнікі архітэктуры на тэрыторыі Спасавай слабады».
03.03 (пятніца) у 18:00, філіял Веткаўскага музея.
Правядзенне Масленай этна-вечарыны ў філіяле, 26.02
- Аўтар:
- Катэгорыя: Навіны
У апошнія выходныя гэтай зімы мы з вашай дапамогай і ўдзелам зладзілі ажно дзве вечарыны!
Нагода на тое была важная - Масленіца!
Падрабязней: Правядзенне Масленай этна-вечарыны ў філіяле, 26.02
Кантакты
© Copyright з 2013 года.
Усе правы абаронены. Капіраванне матэрыялаў дазволена толькі (!) з актыўнай спасылкай на сайт-крыніцу.